ایک دو روز کا صدمہ ہو تو رو لیں فاکرؔ ہم کو ہر روز کے صدمات نے رونے نہ دیا

عشق میں غیرت جذبات نے رونے نہ دیا 

ورنہ کیا بات تھی کس بات نے رونے نہ دیا

عشق میں غیرت جذبات نے رونے نہ دیا 

ورنہ کیا بات تھی کس بات نے رونے نہ دیا

آپ کہتے تھے کے رونے سے نہ بدلیں گے نصیب 

عمر بھر آپ کی اس بات نے رونے نہ دیا

رونے والوں سے کہو ان کا بھی رونا رو لیں

جن کو مجبوریِ حالات نے رونے نہ دیا

تجھ سے مل کر ہمیں رونا تھا بہت رونا تھا 

تنگیِ وقت ملاقات نے رونے نہ دیا

ایک دو روز کا صدمہ ہو تو رو لیں فاکرؔ 

ہم کو ہر روز کے صدمات نے رونے نہ دیا

سدرشن فاکرؔ