شہرِ الفت پہ، مضافات پہ لعنت بھیجی

یہ بھی اظہارِ مودّت ہے بہ الفاظ ِ دگہم نے جب دشمنِ ساداتؑ پہ لعنت بھیجی

شہرِ الفت پہ، مضافات پہ لعنت بھیجی

آج اس خطہء کم ذات پہ لعنت بھیجی

عشق جب جب بھی ندامت کی گلی سے گزرا 

گریہء ہجر کی اوقات پہ لعنت بھیجی

مسلکِ دل میں بھی صدقہ نہیں لیتے سیّد

غیرتِ عشق نے خیرات پہ لعنت بھیجی

حرف منڈی میں برابر بِکے اصلی نقلی

ہم نےاس طرزِ مساوات پہ لعنت بھیجی

خلعت ِ شاہ کہاں حجرہء درویش کہاں

تُف کہا اور مراعات پہ لعنت بھیجی

خواب کو آگ لگا، ڈال کے تعبیر پہ خاک

چشم ِ پُرنم نے خرافات پہ لعنت بھیجی

یہ بھی اظہارِ مودّت ہے بہ الفاظ ِ دگر

ہم نے جب دشمنِ ساداتؑ پہ لعنت بھیجی

ظلِ ہما نقوی