میرے سائیاں تیرے کتنے رنگ...؟

میرے سائیاں تیرے کتنے رنگ...؟

اِک رنگ ہے "کُن"

اِک رنگ ہے "قُل"

اِک رنگ ہے "اِنّا اَعطینَا"

اِک رنگ "اَحَد" اک رنگ "فَلَق"

تیرا ہی رنگ ہے "اَلرِحمَان"

رنگ "اِحسَنُ التَقوِیم" تیرا

فَبِأَيِّ آلاء رَبِّكُمَا تُكَذِّبَانِ

تیرا رنگ ہے پَل

تیرا رنگ سَاعت

ہر گھڑی ہر پہر،

تیرا رنگ ہے قطرہ

رنگ دریا ندی سمندر موج لہر

تیرا رنگ حیا

تیرا رنگ وفا

تیرا رنگ سزا

رنگ جزا

تیرا رنگ شفا

وہم، گماں اور محبت

وصل، ہجر

تیرا رنگ اطاعت اور بغاوت

رنگ انالحق کا نعرہ

تیرے کیسے کیسے رنگ خدا

عشق زہر کا رنگ نیلا

درد کا اُودَا، لال ہوس کا

حِرص کا تھوڑا رُوپہلا

اور گُلابی چاہت کا

رنگ کِیسَریَا

رنگ ہرَا

دیے مجھ میں سارے رنگ مِلا

ہوا سوچ کا کالا پانی "میں"

میرا رنگ سیاہ

تیرے گھر جیسا.....